नेपाल संस्कृत विश्वविद्यालय, जनता विद्यापीठ बिजौरी दाङमा संस्कृत साहित्यको सहप्राध्यापक पदमा कार्यरत गणेश पाण्डेयलाई नेपाल संस्कृत विश्वविद्यालयले 'टीकारामपन्थिना प्रणीतयो रुरुवृत्त-नेनेपालखण्डकाव्ययो रसविमर्शः' शीर्षकमा विद्यावारिधि उपाधि प्रदान गरेको छ ।

पाण्डेयले उक्त शोधकार्यको लागि विश्वविद्यालय अनुदान आयोगबाट २०६९ सालमा प्रथम व्यक्तिको रूपमा छनोट भई विद्वद्वृत्ति समेत पाएका थिए । पाण्डेय २०४९ सालको विश्वविद्यालयीय परीक्षामा सर्वप्रथम भई संस्कृतसाहित्यमा आचार्य तह उत्तीर्ण गरेकोले 'महेन्द्र विद्याभूषण' उपाधि प्राप्त हुन् ।

उनको विद्यावारिधि शोधकार्यमा संस्कृतसाहित्यका ख्यातिप्राप्त भारतीय उपमहाद्वीप कै विशिष्ट विद्वान् प्रा. डा. वेणीमाधव ढकाल शोधनिर्देशक हुनुहुन्थ्यो ।

शोध विशेषज्ञमा संस्कृत व्याकरणका विशिष्ट विद्वान् प्रा. स्थानेश्वर गौतम र संस्कृतसाहित्यका विशिष्ट विद्वान् प्रा. गदाधर पौडेल रहेका हुनुहुन्थ्यो ।

उहाको शोधप्रबन्धमा गम्भीर ऊहापोहका साथ रससिद्धान्तको पुनव्र्याख्या र विवेच्य काव्यको विश्लेषण गरिएको छ । पाण्डेयको जन्म २०२४ साल श्रावण १५ मा अर्घाखाँची जिल्लाको शीतगङ्गा नगरपालिका वडा नं. १ सुवर्णखालमा पिता पं. सिद्धिनाथ पाण्डेय र माता जनककुमारी देवीको माहिला छोराको रूपमा भएको हो ।

यिनको नेपाली खण्डकाव्य विधामा निहित योगदानका सम्बन्धमा हाल त्रिभुवन विश्वविद्यालयबाट स्नातकोत्तर तहको शोध अध्ययन भैरहेको छ ।