9 Baishak, 2075 | 22 April, 2018 Sunday
गजल - रितु खनाल
2018-03-16 | तीतोपाटी डटकम


गजल
तिम्रो मेरो सपना अनी, रात उस्तै लाग्छ                                        पहिलो भेटमै मदहोसी, बात उस्तै लाग्छ ।

चम्किलो त्यो रातको, चाँदनीले भन्यो मलाई                                बहकिने एक्लोपनको, मात उस्तै लाग्छ।

पिउँदै गएँ पिरतिको, रस मिठो  मिठो                                           पस्किदिने प्रियतमको, हात उस्तै लाग्छ।

चरी जस्तै उड्नु पर्यो, आफ्नो गुँड छोडी 
धोका दियो दैवले नि, घात उस्तै लाग्छ ।

न त दुःख देख्यौ प्रभु,  न त सोधिदियौ                                        मेरो भाग्य खडेरीको, पात उस्तै लाग्छ।

बोनस 
खुसी आफ्नो सानो जस्तो, दु:ख आफ्नो धेरै ठूलो
जिन्दगी र पिरतिको जात उस्तै लाग्छ ।
रितु