10 Falgun, 2074 | 22 February, 2018 Thursday
तीतोपाटी डट कम - मतदान चलिरहँदा नवलपरासीका २ छुट्छुटै मतदान केन्द्रमा बम विस्फोट हुँदा ६ जना घाइते भएका छन् । घाइते सबै खतरामुक्त रहेको जिल्ला प्रहरी कार्यालयले जनाएको छ । 
   
बर्दघाट नगरपालिका र  देबचुली नगरपालिकाका २ वटा विद्यालयका मतदान केन्द्रमा बम विस्फोट भएको हो । बर्दघाट नगरपालिकाको राजामहात्मा माध्यमिक विद्यालयको हातामा बम विस्फोट हुदा ५ जना घाइते भएका छन् । 
 
मतदान केन्द्र नजिकमा रहेको बालुवाको थुप्रोमा रेडबुलको डब्बाभित्र राखिएको बम पडकिँदा स्थानीय मनमाया सुवेदी, ममता सुवेदी, भगवति अधिकारी, अनिश छन्त्याल र विवेक छन्त्याल सामान्य घाइते भएको प्रत्यक्षदर्शी रवीन चापागाईंले बताएका छन् । उनीहरुको स्थानीय मेडिकलमा उपचार गरिएको छ । घटनापछि भागेका मतदाताहरु सुरक्षा बलियो पारिएको जानकारीपछि पुन: मतदान स्थलमा फर्किएका छन् । घाइते मतदाताहरुलाई स्थानीयले पुन: मतदान गराएर घर घरमा पुर्‍याएका छन् । घटनापछि त्यहा ठुलोसंख्यामा सुरक्षाकर्मी थपिएको छ । त्यहा १९४१ मतदाता रहेका छन् । 

मतदातालाई मतदान स्थलमा फर्किन आव्हान गर्दै निर्वाचन कार्यालयले स्थानीय एफएममा सूचना प्रसारण गरेको दाउन्ने रेडियोले जानकारी दिएको छ । 
   
त्यसै गरि नवलपरासीको देवचुली नगरपालिका वडा नम्बर १२ गैडीमा रहेको दिव्यज्योति आधारभुत विद्यालयमा बम विस्फोट हुँदा एक मतदाता घाइते भएका छन् । 
    
बिहान साढे १० बजे मतदान भइरहँदा भएको विस्फोटमा परेर स्थानीय इन्द्र बहादुर नेपाली घाइते भएका छन् । उनको अवस्था खतरामुक्त छ । मत खसाल्ने स्थलमा रहेको धुपीको बोटमा बम 

विस्फोट भएको हो । विस्फोटपछि एकघण्टा मतदान प्रकृया रोकिएर फेरी मतदान सुरु भएको छ । 

१९७७ मतदाता भएको उक्त विद्यालय हातामा केहीदिन अघि नै बम राखेको आसंका रहेको छ । यो मतदान केन्द्र माओवादी विप्लब समूहको प्रभाव क्षेत्र हो । 
   
बम विस्फोट भएको एक घण्टा भित्र प्रमुख जिल्ला अधिकारी शम्भु मराशिनी सहित सुरक्षा निकायका प्रमुख मतदान केन्द्रमा पुगेका थिए । प्रजिअले घाइतेको अवस्था समान्य रहेको र तत्काल सुरक्षा व्यवस्था गरेर पुन: मतदान सुरु गराएको जानकारी दिए । 

घटनापछि भागदौड गरेका मतदाता फेरि मतदान केन्द्रमा फर्किएका छन् । स्थानीयले मतदान स्थलमा सुरक्षा व्यवस्था राम्रो रहेको भन्दै भोट हाल्न आउन माइकिङ गरेका छन् । 

दुई स्थानमा बम विस्फोट भएपछि जिल्लाभरी सुरक्षा सर्तकता अपनाइएको छ



महाबिर अबिस्कार केन्द्रलाई सगरमाथा परोपकारी समाज कुवेत द्वारा सहयोग

पत्रकार महासँग अध्यक्ष न्यौपानेमाथि सांघातिक आक्रमण

४१ दिन देखी अस्पतालमा रहेका नर बहादुरको लुम्बिनी समाजको बिशेष पहलमा उद्धार

कोसेली समुहको दशौं वार्षिक उत्सवका साथ छापा पत्रिका मरूभूमिको कोसेलीको २९औ अंक बिमोचन सम्पन्न

घरेलु मदिरा सहित कुवेतमा दुई नेपाली पक्राउ,पक्राउ पर्नेमा एक महिला पनि

सुदुर-पश्चिम सेवा समाज कुवेतको प्रथम बार्षिक उत्सब सम्पन्न

कुवेतमा १६औं बमजन गोल्ड कपका पहिलो र क्वार्टर फाईनल चरणका सम्पूर्ण खेलहरु सम्पन्न

दोस्रो पटक प्रधानमन्त्री भएपछि ओलीका यी सात संकल्पहरु यस्तो छ