2 Poush, 2074 | 17 December, 2017 Sunday

तीतोपाटी डटकम- कुवेतमा कृयाशिल तीनवटा किरात संस्थाहरु किरात राई यायोक्खा, किरात याक्थुङ चुम्लुङ र सुनुवार सेवा समाजले एकैसाथ संयुक्तरुपमा आगामी डिसेम्बर-८ तरिक, शुक्रबार मनाउने उधौली/ चासोक तङ्नाम/ रापवा श्यादर पीदार २०१७ को सम्पूर्ण तयारी पुरा भएको आयोजकले बताएका छन।  

कार्यक्रममा राईहरुको मौलिक झाँकी साकेला नृत्य,  लिम्बूहरुको मौलिक नृत्य केलाङ नृत्य र सुनवारहरुको मौलिक झाँकी श्याँदर नृत्य लगाएत अन्य बिभिन्न मनोरन्जनात्मक कार्यक्रमहरुका साथ किरात राई यायोक्खा कुवेत शाखाको स्थापना कालदेखी हालसम्मको गतिविधि समेटिएको स्मारिकाको विमोचन समेत हुनेछ ।

आगमी डिसेम्बर ८ मा अब्बासिया स्थित रिदम हलमा मनाईने कार्यक्रमको लागी कुवेतमा कृयाशिल संघ संस्था, पत्रकार, बुद्धिजिवी, समाजसेवी तथा सम्पूर्ण कुवेतवासी किरात गैर किरात दाजुभाइ दिदीबहिनीहरुलाई निमन्त्रणा मेसेन्जरको माध्यमबाट पठाई सकिएको र भुलबस् या अन्य प्राविधिक कारणले निमन्त्रणा प्राप्त नभएमा यसै समाचारलाई आधार मानी कार्यक्रममा उपस्थित हुनुभई कार्यक्रमलाई भव्य रुपमा सम्पन्न गराउन आयोजकको तर्फबाट अनुरोध गरीएको छ ।

कार्यक्रम हुने :
मिति : डिसेम्बर ८, २०१७
स्थान : रिदम हल, अब्बासिया
समय : मध्यान्ह १२ बजे ।