10 Falgun, 2074 | 22 February, 2018 Thursday
नेपाल डिभिजन ट्र मा घटुवा
2017-10-16 | तीतोपाटी डट कम

तीतोपाटी डट कम - आईसीसी विश्व क्रिकेट लिग च्याम्पियनसिप अन्तर्गत हङकङबिरुद्धको दोस्रो खेलमा बर्षाका कारण रद्ध भएपछि नेपालको डिभिजन टू घटुवा निश्चित भएको छ ।

हङकङमा आइतबार आएको सामुदि्रक तुफानसँगै वर्षा भएपछि सोमबारका लागि सारिएको खेल पनि वर्षाले स्थगित भयो । त्यसपछि अम्पायरले दुवै टोलीलाई एक एक अंक बाँड्ने निर्णय गरे ।

यसअघि शुक्रबार भएको पहिलो खेलमा नेपाल हङकङसँग ८३ रनले पराजित भएको थियो ।

यस नतिजाले नेपाल विश्व क्रिकेट लिग च्याम्पियनसिपको शीर्ष चार भित्र पर्न असफल भएसँगै डिभिजन टूमा घटुवा हुने निश्चित भएको छ ।

नेपालसँगै नामिविया र युएईको डिभिजन खस्कने निश्चित भइसकेको छ । विश्व क्रिकेट लिग च्याम्पियनसिपमा नेदरल्याण्ड्स १८ अंकसहित शीर्ष स्थानमा छ भने १६ अंक जोडेको पपुवा न्युनिगी दोस्रो, १५ अंकसहित स्कटल्याण्ड तेस्रो, १४ अंक पुर्‍याएको हङकङ चौथो र १२ अंक जोडेको केन्या पाचौं स्थानमा छ ।

आगामी डिसेम्बरमा प्रतियोगिताका अन्तिम चरणका खेलहरु हुनेछन् । त्यस चरणमा नेपालले युएईसँग उसकै मैदानमा दुई खेल खेल्नेछ । अहिले ९ अंक जोडेको नेपालले त्यस चरणमा दुवै जित हासिल गरे पनि शीर्ष चार रहने छैन ।

डिभिजन टूमा घटुवा भए पनि नेपालले सन् २०१९ मा इंग्ल्याण्डमा हुने एकदिवशीय विश्वकपको छनोट खेल्ने सम्भावना भने सकिसकेको छैन ।

आगामी फेब्रुअरीमा नेपालले नामिवियामा हुने आईसीसी डिभिजन टू मा सहभागिता जनाउनेछ । त्यस प्रतियोगितामा शीर्ष दुईभित्र रहेमा नेपालले विश्वकप छनोट खेल्ने अवसर पाउनेछन् ।

डिभिजन टूमा डिभिजन वानबाट घटुवा भएका नेपाल, नामिविया र युएई तथा डिभिजन थ्रीबाट बढुवा भएका क्यानडा र ओमानको सहभागिता पक्का भइसकेको छ । डिभिजन वानबाट घटुवा हुने अर्को टोलीको टुंगो प्रतियोगिताको अन्तिम चरणका खेलहरुले टुंगो लगाउनेछ ।

महाबिर अबिस्कार केन्द्रलाई सगरमाथा परोपकारी समाज कुवेत द्वारा सहयोग

पत्रकार महासँग अध्यक्ष न्यौपानेमाथि सांघातिक आक्रमण

४१ दिन देखी अस्पतालमा रहेका नर बहादुरको लुम्बिनी समाजको बिशेष पहलमा उद्धार

कोसेली समुहको दशौं वार्षिक उत्सवका साथ छापा पत्रिका मरूभूमिको कोसेलीको २९औ अंक बिमोचन सम्पन्न

घरेलु मदिरा सहित कुवेतमा दुई नेपाली पक्राउ,पक्राउ पर्नेमा एक महिला पनि

सुदुर-पश्चिम सेवा समाज कुवेतको प्रथम बार्षिक उत्सब सम्पन्न

कुवेतमा १६औं बमजन गोल्ड कपका पहिलो र क्वार्टर फाईनल चरणका सम्पूर्ण खेलहरु सम्पन्न

दोस्रो पटक प्रधानमन्त्री भएपछि ओलीका यी सात संकल्पहरु यस्तो छ