विश्वकप फुटबल २०१० को विजेता स्पेन फिफा वरियताको शीर्ष स्थानमा उक्लिएको छ ।
फिफाले सोमबार सार्वजनिक गरेको नयाँ वरियताअनुसार यसअघि दोस्रो स्थानमा रहको स्पेनले ब्राजिललाई पछि पार्दै वरियताको शीर्ष स्थानमा उक्लिएको हो ।
त्यस्तै, उपविजेता नेदरल्याण्ड्स दोस्रो स्थानमा उक्लिएको छ भने पाँच पटकको विजेता ब्राजिल तेस्रो स्थानमा झरेको छ । चौथो स्थानमा जर्मनी रहेको छ । अर्जेन्टिना पाँचौँ नम्बरमा रहेको छ ।
क्वाटरफाइनलसम्म पुगेको जापान फिफा वरियतामा ३२ औँ स्थानमा उक्लिएको छ भने दक्षिण कोरिया ४४ औँ स्थानमा ।
अफ्रिकी राष्ट्र घाना २३ औँ स्थानमा छ भने सन् २००६ को विजेता इटाली ११ औँ, फ्रान्स २१ औँ स्थानमा रहेका छन् । इटाली र फ्रान्सको स्थिति वरियता खस्किएको छ ।
नेपाल चाहिँ अघिल्लो पटकको वरियतामा पाँच स्थान माथि उक्लिन सफल भएको छ । अहिले नेपाल १ सय ५६ औँ स्थानमा आइपुगेको छ । वरियतामा २०२ राष्ट्रहरु सूचिकृत छन् । नेपालको तल अप्रिmकी राष्ट्र लाइबेरिया रहेको छ भने माथि श्रीलङ्का ।
दक्षिण एसियाली राष्ट्रहरुको सूचिमा चाहिँ श्रीलङ्काभन्दा नेपाल एक तह तल र पाकिस्तानभन्दा एक तह माथि रहेको छ । भारतको फिफा वरियता क्रम भने १३२ रहेको छ
