मरुभूमीको कोसेली nepalkuwait

          काठमाडौं, फाल्गुन २७ – एसीसी यू- १६ एलाइट कप क्रिकेटमा बहराइनलाई ८५ रनले हराउँदै नेपाल सेमीफाइनल प्रवेश गरेको छ । भक्तपुरस्थित सैनिक विद्यालयको मैदानमा भएको खेलमा बिहीबार टस जितेर पहिले ब्याटिङ गरेको नेपालले ७ विकेटको क्षतिमा २ सय ६ रन बनाएको थियो । बहराइनलाई नेपालले २ सय ७ रनको चुनौति दिएको थियो । प्रत्युत्तरमा बहराइनले ९ विकेटको क्षतिमा १ सय २१ रन बनायो । नेपाललाई सेमीफाइनलमा पुर्‍याउन निश्चल पाण्डेले अलराउण्डर प्रदर्शन गरे । ७४ रन जोडेका उनले बलिङतर्फ ५ विकेट पनि लिए । यस्तै हरि चौलागाईँले २ तथा राजीव शाह र र शरद खड्काले एक-एक विकेट लिए । Read more »

२७ फागुन, काठमाडौं । सर्बोच्च अदालतले सबै विधवालाई भत्ताको व्यवस्था मिलाउन सरकारका नाममा आदेश दिएको छ । जटिल सामाजिक स्थिति र रुढीवादी संस्कारलाई बिचार गरी ६० वर्षमुनिका विधवाले पनि विशेष भत्ता पाउने मापदण्ड निर्धारण गर्न सर्बोच्च अदालतले बुधबार सरकारका नाममा आदेश जारी गरेको हो । पतिको पेन्सनबाट विधवाले पाउने रकम, विधवाको नाममा भएको सम्पत्ति, आयस्रोतजस्ता विविध पक्षलाई दृष्टिगत गरी निर्देशिका बनाउनसमेत आदेश दिइएको छ । सबोच्च अदालतका न्यायाधीश खिलराज रेग्मी र गिरिशचन्द्र लालको संयुक्त इजलासले प्रधानमन्त्री तथा मन्त्रिपरिषदको कार्यालय, अर्थ, स्थानीय विकास, महिला बालबालिका, राष्ट्रिय योजना आयोग र केन्द्रीय तथ्याङ्क विभागका नाममा यस्तो आदेश दिएको हो । सरकारले ६० वर्षमाथिका विधवालाई मात्र मासिक पाँच सय रुपैयाँ विशेष भत्ता दिँदै आएको छ । विधवालाई दिइने सुविधामा उमेरको हद तोकेर हद तोकेर विभेद गरिएको बताउँदै गत वर्ष अधिवक्ता कविता पाँडे, महिलाअधिकारकर्मी लिली थापालगायतले रिट निवेदन दायर गरेका थिए ।

सरोज अधिकारी

            आर्थिक मन्दीको असरहरूलाई न्यून गर्दै आर्थिक उन्नति हासिल गर्ने दिशामा सन् २००९ मा केही प्रगति देखिएको भए पनि विश्वव्यापीरूपमा छाएको आर्थिक मन्दीलाई चिर्न अझै केही वर्ष लाग्ने अनुमान विश्वका अर्थशास्त्रीहरूले गरेका छन् । आर्थिक मन्दीले प्रमुखरूपमा असर पारेको रोजगारी कटौतीलाई रोक्न विशेषगरी विश्वका आर्थिक महाशक्ति राष्ट्र औद्योगिक उत्पादन बढाउने,आन्तरिक खपतलाई बढावा दिने,उत्पादनमूलक र बढी रोजगारी दिलाइरहेको क्षेत्रलाई आर्थिक सुधारका प्याकेजहरू दिएर जोगाउने, भौतिक पूर्वाधार निर्माणमा ठूलो सरकारी धनराशि खर्च गर्दै पूर्वाधार विकास गर्ने र नयाँ रोजगारी सिर्जना गर्नेजस्ता रणनीतिमा लागेको पाइन्छ । तथापि उनीहरूलाई रोजगारीको गिर्दो क्रमलाई जोगाउने निकै हम्मेहम्मे परेको अवस्था छ । Read more »

शुभद्रा खरेल, बारा-डुमरवाना-७, आदर्शनगर

                 मैले घरको धन्दा सिध्याउँदा रातको दश बजेको थियो, कामको थकाइले छिट्टै   मस्त निद्रामा परेँछु । एकोहोरो फोनको घण्टी बज्दा पो झसङ्ग भएर एकैचो्टि फोन उठाउन पुगेछु । मैले फोनको रिसिभर कानमा लगाएँ,यताबाट हेलो गर्न नपाउँदै उताबाट भयमिश्रति एउटा पुरुष आवाज आयो-भाउजु  दाईलाई फोन दिनुन भनेर सर्लाहीबाट कान्छा देवरको फोन आयो,वहाँ पल्लो कोठामा केही लेखा-पढीमा व्यस्त हुनुहुन्थ्यो । मैले वहाँलाई बोलाएर फोन दिएँ । पक्कै केही अप्रिय घटना भइरहेछ जस्तो लागेर म वहाँले कुरा गर्दै गरेको हेरिरहेँ । उहाँले फोनमा ‘हेलो’ भनेको बाहेक अरू कुरा बोलेको सुनिनँ । उहाँको हात त लगलग काम्न थाल्यो भने आँखाबाट आँसु र्झन थाल्यो। मलाई आश्चर्य लागेर ‘हजुर कसको फोन ?’ भनी सोधेँ । वहाँका ओठहरू बोलिरहेका छन् तर बाहिर आवाजले चाहिँ उहाँलाई साथ दिएको छैन । फोनको रिसिभर यत्तिकै छोडेर हड्बडाउँदै मलाई आएर घम्लङ्ग अँगालो हालेर रुन थाल्नुभयो। Read more »

            तानसेन (पाल्पा), फाल्गुन २७ – स्थानीय र राष्ट्रिय कलाकारको प्रस्तुतिमात्रै चाखेका पाल्पावासीले बुधबार देश-विदेशका लोकसंस्कृतिको स्वाद पाए । औद्योगिक व्यापार मेला एवं पर्यटन महोत्सवलाई पाँचौं अन्तर्राष्ट्रिय लोकसांस्कृतिक मेलाले साथ दियो । सदरमुकाम तानसेन कला, संस्कृतिको विकास र विस्तारमा लागेका ११ मुलुकका साढे तीन सय लोक संस्कृतिकर्मीको महाकुम्भ बन्यो । Read more »

काठमाडौं, २६ फागुन, सरकारले वैदेशिक रोजागारीमा जाँदा नेपाली कामदारका लागि लाग्ने अधिकतम खर्चको हद खण्डीकरण गरी तोक्ने भएको छ ।सरकारले वैदेशिक रोजगारमा जाने कामदारलाई ठगिनबाट रोक्न यसअघि रहेको एकमुष्ट रकम लिन पाउने व्यवस्था खण्डीकरण गरी विभिन्न शीर्षकमा खर्चको हद तोक्न लागेको हो ।यसअघि समग्रमा बढीमा यति शुल्क लिन पाउने भनी तोकेकोमा अब नयाँ व्यवस्था लागू भएपछि विभिन्न शीर्षकअन्तर्गत खर्च-सीमा तोकिनेछ । Read more »

जुनसुकै उमेरका महिला विधवा भएमा पनि उनीहरूलाई भत्ताको व्यवस्था गर्न बुधबार सर्वोच्च अदालतले सरकारलाई आदेश दिएको छ। न्यायाधीशहरू खिलराज रेग्मी र गिरीशचन्द्र लालको संयुक्त इजलासले सम्पूर्ण विधवा महिलालाई भत्ताको व्यवस्था गर्न आदेश दिएको हो। सरकारले २०६३ सालदेखि सामाजिक सुरक्षा कार्यक्रम अर्न्तर्गत ६० वर्षउमेर पार गरेका विधवा महिलालाई मात्र भत्ता दिने गरेको थियो। Read more »

तोयानाथ उपेक्षित
        

             कुवेतका लागि नेपाली राजदुत मधुवन प्रसाद पौडेलले आज बयान प्यालेसमा यहाँका राजकुमार शेख नवाफ अल अहमद अलसवाहसँग भेटवार्ता गर्नु भएको छ । दुतावासद्वार जारी प्रेस विज्ञप्तिमा उल्लेख छ, कुवेती राजकुमारद्वारा चासोपुर्वक नेपालको राजनैतिक र आर्थिक अवस्थाको बारेमा जानकारी लिनुभएको थियो । सो अवसरमा नेपालको उन्नती र विकाशका लागि सहयोग गर्न कुवेत सधै तत्पर रहेको कुरा समेत राज कुमारद्वारा ब्यक्त गरिएको बिज्ञप्तिमा जनाईएको छ । भेटका अवसरमा नेपाल र कुवेती सरकार बीच निकट भविश्यमा उच्च स्तरिय भेटघाट र भ्रमण गर्ने सम्वन्धमा समेत कुरा भएको बताईन्छ।

Read more »

बलिउडका चर्चित अभिनेत्री कैटरीना कैफ आजकाल बलिउडमा सबभन्दा सफल अभिनेत्रिको रुपमा चिनिन्छिन। बलिउडमा उनी यतिको सफल हुनुको पछाडी उनको ग्लेमरस भुमिकाको ठुलो योगदान रहेको छ। यस कुरालाई उनका पंरशंसक लगाएत सबैले मान्ने गरेतापनि कैटरीनाले भने आफुलाई गरम तथा सेक्सी भनेर कहिल्यै स्विकारिनन्। कैटरीनाका अनुसार मानिसहरुको राय फरक फरक हुने गर्दछ तर मलाई आफु सेक्सी देखिन्छु भनेर कहिल्यै लागेन। तर बास्तवमा भने उनको यसै छबीका कारण उनले बलिउडमा असख्य प्रशंसकहरु पाएका छन्। Read more »

       तनहुँको काहुशिवपुरबाट दमौलीतर्फ आउँदै गरेको नम्बर खुल्न नसकेको जिप बुधबार काहूँशिवपुर ३ सेटाङ भन्ने ठाउँमा दुर्घटना हुँदा १० को मृत्यु भएको । दुर्घटनामा १३ जना घाइते भएका छन् ।८ जनाको घटनास्थलमै र २ जनाको दमौली अस्पतालमा उपचारका क्रममा मृत्यु भएको प्रहरीले जनाएको छ। घाइतेहरुको दमौली अस्पतालमा उपचार भइरहेको छ। गम्भीर अवस्थाका केही घाइतेलाई थप उपचारका लागि पोखरा ल्याइएको छ। Read more »

प्रश्न:-जम्मा जम्मी तपाईंको कती वटा गीत रेकर्ड भएका छन ?

आधुनिक गीत ,लोक गीत ,भजन, रास्टिय गीत गरि जम्मा जम्मी २०-२२ वटा रेकर्ड भएका छन। जसमा मेरो पहिलो गीत राम थापाको संगीत,सम्रस अधिकारीको लेखनमा
 बैश फुल्यो आँगनमा
मन फुल्यो कहाँ
भन्ने अधुनिक गीत रेकर्ड भएको थियो त्यस्तै बिभिन्न रेटुरेण्ट देखि सोल्टी होटेल,याक एन्ड यति जस्ता पाच तारे होटेलहरुमा त धेरै नै अरुको गजलहरु गाइयो। त्यो समयमा गजल गाउने लहर थियो त्यसैले म   निकै ब्यस्त पनि थिए मेरा चर्चित भजनहरु त दैनिक रुपमा कान्तिपुर टि.भी तथा रेडियो नेपाल बाट सुन्न सक्नु हुन्छ।  पछि गएर राम्रा राम्रा रास्टिय गीतहरु पनि रेकर्ड गराए त्यसमा मेरो सम्झनामा आएको एउटा छ
श्रम गरि पसिना बगाउने
देशको माटो मुटुमा सजाउने
हामी नेपाली, हामी नेपाली

 आर.बी.बुढाथोकी(कुबेत)

  १० मार्च २०१०,कुबेतमा ईतिहास रच्दै यहाँका सक्रिय नेपाली युबाहरुले ऐतिहासिक रुपमा प्रथम पटक प्रकाशित गर्न शुरु गरेको मरुभूमीको कोसेलीको पहिलो अंक नै यहाँ स्थित कुबेतहरुको घरमा कार्यरत नेपाली महिलाहरुले बिभिन्न माध्यामद्वारा पत्रीका हात परेपछी निकै खुशी ब्यक्त गरेका छन। यसरी प्रबासमा पहिलो पटक निस्केको पत्रीका घरमै बसेर बढ्न पाउदा अत्यन्त हर्सित भएको कुरा पत्रीकाका प्रतिनिधीहरुलाई बारम्म बार फोन गरेर ब्यक्त गरेका छन। दाई तपाईंहरुले अत्यन्त राम्रो काम गरेर देखाउनु भयो यसलाई निरन्तर दिनु होला हामीहरु यो पत्रीका खोजी खोजी बढ्ने छौ दोलखा की लाक्मान शेर्पाले निकै हर्शित मुद्रामा फोन मार्फत बताइन। डोल्मा दिदीको दु:खद घटनादेखी कुबेतमा कार्यरत पौरखी नेपालीहरुको कथा मात्र होईन प्रथम राजदुतलाई समेत नजिकबाट चिन्ने मौका पायौ निकै खुशी लाग्यो मेरा साथीहरु सबैको सिरानीमा यो पत्रीका छ,पत्रिका नपुगेर हामीले एक जनाले पढ्न भ्याए पछि साथीलाई दिएर पनि पढ्न लगायौ उनले थपिन। Read more »

दमौली, फागुन २६ ।

तनहुँको काहुशिवपुरबाट दमौलीतर्फ आउँदै गरेको जिप बुधबार अपरान्ह काहूँशिवपुर ३ सेटाङ भन्ने ठाउँमा दुर्घटना हुँदा १० को मृत्यु भएको छ भने १३ जना घाइते भएका छन् ।
बिहेमा गएर फर्कंदै गरेको उक्त जिप कच्ची सडकबाट करिब १ सय ५० मिटर तल खस्दा सो दुर्घटना भएको उद्धारमा संलग्न प्रहरीले जनाएका छन् । मृत्यु हुनेको सनाखत हुन नसकेको प्रहरीले जनाएको छ ।
८ जनाको घटनास्थलमै र २ जनाको दमौली अस्पतालमा उपचारका क्रममा मृत्यु भएको प्रहरीले जनाएको छ।
जीप काहुँ शिवपुरको सेटाङमा भिरबाट करिब एक सय ५० मिटर तल खसेको थियो। घाइतेहरुको दमौली अस्पतालमा उपचार भइरहेको छ। गम्भीर अवस्थाका केही घाइतेलाई थप उपचारका लागि पोखरा ल्याइएको छ।

रुकुम, फाल्गुन २६ -

सुन्दा अचम्म लाग्न सक्छ दमाईले बजाउने दमाह बाहुन र क्षेत्रीले समुह बनाएर बजाउन थाले भन्दा, तर यहाँ यस्तै भएको छ ।यहाँका दमाईले परम्परागत दमाह बाजा बजाउन छाडेपछि बाहुन र क्षेत्री युवाहरू मिलेर क्लब गठन गरी सोही क्लबको नामबाट सांस्कृतिकरुपमा लोप हुन लागेको बाजा दमाह बजाउन थालेका छन् ।सधै मर्दापर्दा चाहिने दमाह बाजा बजाउनका लागि अचेल रुकुमको साखका बासिन्दाहरुलाई दमाई कहा जान पर्दैन । उनीहरू सरासर काम्ले सांस्कृतिक परिवारको कार्यालयमा गए पुग्छ । Read more »

     १० मार्च कुवेत, नयाँ नेपाल क्लबका सदस्य श्री स्वर्गीय याम बहादुर रेशमी मगरको शब आज साँझ १०:३५ बजे स्थानिय समयमा  Qatar  airways बाट नेपाल जादै छ ।  आज बिहान नयाँ नेपाल क्लबका प्रतिनिधि रन बहादुर रसैली, नब राज पराजुली,  दिल बहादुर पुन, आइता लिम्बू , उहाँको भाई नेत्र बहादुर रेशमी लगाएत उहाँका  आफन्तहरू कुवेतको सबाह हस्पिटलमा गएर उहाको शब लाई सफा गरि बॉक्स मा पेकिंग  गरियको हो  ।  ०३ फेब्रुअरी २०१० को दिन कुवेतको आदन हस्पिटलमा वहाँको निधन भएको थियो ।   सम्पूर्ण कुवेत बासी नेपाली दाजू भाई दीदी बहिनीहरुले वहाँ को परिवारको लागि चंदा संकलन गरि सहयोग गरि दिनु भएकोमा नयाँ  नेपाल क्लब कुवेतको तर्फ बात धन्यवाद , Read more »

 गृहमन्त्री भीम रावलसँगको लामो खटपटपछि राज्यमन्त्री रिजवन अन्सारीले पदत्याग गरेका छन्। उनले आज प्रधानमन्त्रीसमक्ष औपचारिक राजिनामा पत्र बुझाउनेछन्। आठ महिनाअघि राज्यमन्त्रीमा नियुक्त भएदेखि नै अन्सारीले सरुवा, आर्थिक सहायता, सुरक्षा लगायत जिम्मेवारी नपाएको भन्दै मन्त्रीविरुद्व असन्तुष्टी ब्यक्त गर्दै आएका थिए। मंगलवार राति नेपालले राजीनामा मागेपछि अन्सारी पदत्यागको निर्णयमा पुगेका हुन्। सार्वजनिक रुपमा सरकार र मन्त्री रावलको आलोचना गरेको आरोपमा अन्सारी कारवाहीमा परेका छन्।’शान्ति सुरक्षामा सुधार नआए १५ दिनभित्र राजीनामा दिने घोषणा गरेको थिए,’ उनले भने- ‘सुधार हुने लक्षण देखिएन, त्यसैले बुधवार राजीनामा दिंदैछु। Read more »

                     रीना नेवा, (काठमाडौं), महिला बेचबिखन कार्य रोक्न निजीस्तर मात्र पर्याप्त नभएको उल्लेख गर्दै एक कार्यक्रमका वक्ताहरूले त्यसका लागि सरकारी स्तरबाट नै कूटनीतिक पहल गर्नुपर्ने खाँचो औंल्याएका छन्। माइती नेपालले मंगलबार राजधानीमा आयोजना गरेको चेलीबेटी बेचबिखनसम्बन्धी अन्तरक्रिया कार्यक्रममा भारतीय प्रहरीका पूर्वअधिकृत डा. किरण बेदीले सो सुझाव दिनुभएको हो। दुई देशका मानव तस्करले मिलेमतोमा नेपाली चेलीहरू भारतमा बेचिने गरेका कारण क्रेता र विक्रेताको मनोबल घटाउन सरकारी स्तरबाट नै पहल गर्न विज्ञले सुझाव दिएका हुन्। Read more »

पोखरा, फाल्गुन २५ – ने क पा एमालेका नेता केपी शर्मा ओलीले माओवादीले हतियार छाडेर नागरिक पार्टी नभएसम्म सरकारको नेतृत्व विषयमा छलफल हुनै नसक्ने जिकिर गरेका छन् ।एमाले निकट शिक्षक भेलालाई मंगलबार पोखरामा सम्बोधन गर्दै नेता ओलीले माओवादी नेतृत्वको परिकल्पना गर्न नसकिने बताए । ‘हत्या हिंसा, जबर्जस्ती र संवैधानिक बाटोमा नआएसम्म माओवादी सरकारको परिकल्पना गर्न सकिंदैन,’ उनले भने । Read more »

स्वास्थ्यमा नियमित समस्या देखिन थालेपछि कांग्रेस सभापति गिरिजाप्रसाद कोइरालालाई थप उपचारका लागि भारतको नयाँ दिल्ली लगिने भएको छ । चिकित्सकहरुसँग मंगलबार साँझ परामर्शपछि परिवारका सदस्यहरु सो निष्कर्षमा पुगेका हुन् । पारिवारिक स्रोतका अनुसार चिकित्सकहरुसँग बुधवार बिहान थप परामर्शपछि कोइरालालाई दिल्ली लैजाने मितिबारे टुंगो गरिनेछ । कोइरालाको उपचारका लागि दिल्लीस्थित एपोलो अस्पताललाई मंगलबार साँझ फ्याक्समार्फत जानकारी गराइसकिएको छ । टाढा लाने अवस्था छैन कांग्रेस केन्द्रीय सदस्य कृष्ण सिटौलाले राजधानीसँग भने डाक्टरहरुको परामर्शपछि भोलि बिहान टुंगो लाग्नेछ । Read more »

भीम के.सी. कुवैत

मोवाइल नं. ९९९२०७१२

      अहिले नेपालमा अधिकांश पार्टी वा नेताहरुले सबै कुराको ओखती अथवा सबै समस्याको समाधान संघिय गणराज्य वा संघियता हो भन्ने गरेका छन् । के संघियतामा जाँदैमा सबै समस्याहरुको समाधानहोला त के फेरि नेपालीले नेपालीलाई मार्ने सम्मका कामहरु रोकिएलान् त ?के एक छाक राम्रोसँग खान नपाउने, एक सरो राम्रोसँग लगाउन नपाउने, ओत लाग्ने झुपडी नभएकाहरुका समस्याहरुको समाधान होलान त? के संघियता रामवाँण नै हो त? Read more »

तोयानाथ उपेक्षित
         अन्तराष्ट्रिय नारी दिवसका दिन पारेर कुवेती महिलाहरुले लैङ्गिक भेदभावका अन्त्य हुनपर्ने भन्दै कुवेत सरकार समक्ष ज्ञापन पत्र बुझाएका छन । महिला सांसद महिला वकिल र नारीवादी कार्यकर्ताहरु सम्मिलित एक समुहले उक्त दिवसका अवसरमा लैङ्गिक विभेकको हुनपर्ने भन्दै सरकारी उच्च तहमा महिला र पुरुष बीच कति विभेद छ भन्ने तथ्याङक पेश गर्दै प्रश्नहरु उठाएका थिए । महिलावादी कार्यकर्ता ओरुब अल रेफाईले भनिन कुवेती सत्तामा जम्मा सोह् जना मन्त्रि मध्ये एक जना मात्र महिला मन्त्रि छिन यो विभेदको सवैभन्दा ठुलो प्रमाण होईनर ?  Read more »

      गत १८ फरबरी बिहानदेखि अल्गार्भ अल्बुफेरा पोर्चुगलमा बिगत १० बर्ष यता बसोबास गरिरहेका नेपाली श्रीमान् चित्र बहादुर पूर्जा सँग बेखबर भएकी म्याग्दीकी देउमाया पुनको लास एटलान्टिक महासागर अल्गार्भको समुद्री किनारमा भेटिएको थियो। त्यसदिन श्रीमान् चित्र बहादुर पुर्जासँग कफी पिएर बाहिर निस्किएकी देउमाया राति घर आइनन् । रातभर चित्रले मायाको खोजी साथिभाईकहा गरे ।तर फेला परिनन्।औधी थकान सङै चित्रले रात काटे। भोली बिहान साथीकहाँ कतै बसिन् कि भनेर खोज्न जाँदा पत्रिका पढिरहेको पोर्चुगिज नागरिकले पत्रिकामा छापिएको समाचार देखाएपछि श्रीमान्ले श्रीमतीको लास भेटिएको थाहा पाएका थिए Read more »